一家三口遊澳門 Day 1

半年前黎澳門,唔知有左阿b,仲喪行,追巴士,食蟹粥, 今次帶埋阿b hea 下, 影下相,食下野, 都唔知生完幾時先可以去旅行

第一次坐turbojet, d位好逼, 唔知點解好多阿叔阿姐, 無乜大陸人, 好在隻船唔"浪"~

好耐無去港澳碼頭, 好在多counter, 唔駛點排就過左關, 原來d shuttle bus 搬晒去碼頭對面, 今次住十六浦, 好快搵到個站, 等左陣就有車

未夠鐘check in , 可以預先登記左先, 3點後直接去 COUNTER攞房 , 登記果陣姐姐話可以加133蚊 upgrade做海景房, 我地無加到,因為城市景可以望到新馬路同新葡京

放低d行李就行去十月初五街食雞湯米 , 第一次食, 個湯有d葯材味, 不過d雞肉有d鞋, 老公個撈米個汁係甜既, 個蝦餅都幾好食


食完lunch 就行去去新馬路搭巴士去二龍喉公園上燈塔, 坐纜車上去3蚊來回, 不過硬係要4個人坐一車,搞到要同2個男仔同車, 落左車行十分鐘左右上燈塔

影完相又搭車出新馬路食翅, 估唔到差唔多三點都咁多人, 叫左個85蚊花膠海參排翅, 同40蚊既豪華碗仔翅, 排翅有d腥, 食左少少就無食, 老公包底, 食完d人龍都無埋

再去食豆腐花, 呢間野幾得意, 平時食開d豆腐花係桶度熱辣辣片出黎, 呢間就一碗碗片好雪係雪櫃, 要熱就放係壚整熱,所以凍滑d, 甜d, 熱就實少少,但糖水自己落, d糖水有薑味都幾好味~

返到酒店check in 話upgrade左做行政房, 仲有海景添喎, 仲有個香薰枕浸浴用, 不過陀住阿b浸唔係幾好, 老公就用得

Toiletry 係Hermès, 初頭book十六浦就係鍾意toiletry 係 L'OCCITANE, 不過Hermès仲好啦~

係房度訓下抖下, 6點幾先行去六記食野, 未夠7點就到左, 但剩番門口出面d枱

炸鴛鴦幾好食, 老公話d鯪魚球個面好脆 , 仲叫左個雲吞蝦子撈麵, 掛住食唔記得影相 , 個撈麵凍冰冰, 食左2啖無食, 老公話d 蝦子有d腥, 我覺得d野都幾貴, 我本旅遊書2010-11年版, 個撈麵都唔駛30蚊, 我地去已經加到37蚊, 仲要幾細碟下, 早知叫炒牛河好過

食完想搭車過新馬路, 但架架都要企, 最後都係行過新馬路

去完大三巴影相又去鳯城珠記食水餃, 不過我鍾意食香港d水餃多d

再去埋三元食粥, 又掛住食唔記得影相, 無加蛋, 驚有菌, 碗粥係今日最好食~
下次去要再食過~

返到酒店lobby 又影下, 好有情人節feel~














就黎多個情人陪我喇~

好滿足返房早抖~