美素佳兒產前實習班

星期一去左灣仔上實習班, 係baby planner果度上堂, 估唔到有小食同野飲, 等我仲買支野飲先上黎, 7點半開始, 有13,14 pair couple黎上堂, 開頭姑娘講d野同baby planner試讀班d野一樣, 搞到我同老公有d眼訓, 講到餵母乳果陣, 姑娘話有d媽咪餵人奶, 但bb都有濕疹, 因為媽咪食左d好高蛋白質既野, 例如:燕窩, 所以食野要小心d~

跟住示範點幫bb沖涼, 今次睇得好清楚, 點抱bb落水上水, 著衫除衫, 點抱佢洗頭, 要點樣清潔, 姑娘話用乾棉濕水抺pat pat 好d, 因為唔知濕紙巾加左d乜野, 驚bb敏感, 跟住輪流出去實習,  今次老公好積極學, 仲問姑娘野, 唔知第時幫阿b沖涼仲記唔記得?

又示範點抱bb, 同上次試讀班教個手勢有d唔同, 今次姑娘話可以抱得bb緊d, 等佢多d安全感, 不過我地抱得唔係幾順

跟住實習點包包被, 呢樣我地學過,所以好快上手

姑娘話有媽咪問應唔應該俾bb飲水? 佢話大部份健康院姑娘都話唔駛, 但私家醫生話要, 因為出左世都係飲有味既野, 其實俾bb飲水係想佢習慣水既味道, 所以由脷底俾2啖水佢飲就夠, 如果唔係4個月度就唔肯飲水

呢堂都幾有用, 雖然9點8先走得, 好鬼攰......

返屋企果陣, 行去百佳睇下尿片有無貨, 因為前2日見到特級棉柔nb $90/2包, 仲平過樓下葯房 , 但無帶coupon 無買到, 第二日去已經無晒貨, 今次去終於有貨喇, 買住4包, 希望阿b啱用~