荷花bb展

原本都唔諗住黎呢個bb展, 因為好似唔係好多野睇, 不過有贈券,所以黎行下, 一入場經過生寶就叫我填問卷有禮物送, 行過迪士尼又話做胎教聽英文, 荷花個counter最大, 不過d野唔啱, 開倉個度好似賣執笠貨咁, 行行下梗有人叫你填問卷攞禮物, 填到有d煩, 又問我第時俾bb係香港定海外升學, budget 係幾多, 嘩, 佢都未出世, 諗幼稚園就話者, 諗大學好似誇左d~

終於買到個奶泵, $1000/set, 電泵加手泵, 再送一pack 儲奶樽, 佢話淨番3套, 好似又幾抵, 所以買左套

呢張墊諗住好耐買唔買, 因為已經有張卷既, 但呢隻又好方便, 摺大摺細都得, 收埋又方便, $299/張都ok, 仲有隻hello kitty  款, 不過唔啱阿b, 所以買呢隻款

其實賣bb野既counter唔算多, 反而多學英文, 影相,  保險, 信用卡, 連pccw都有, pamper 個counter 直頭無開, 奶粉出名既得雪印, 行左2個鐘度就走喇~

之前去bb care個talk 講過d淨水, 後尾有人打黎話送食物盒俾我同埋上黎試下屋企d水乾唔乾淨, 其實係介紹個電解水機, 不過部機都幾阻定, 仲要5位數字, 梗係唔買啦~
不過個sale 拆左我地個水龍頭, 竟然有d石仔係度, 而且煲過既水都係偏酸, 俾阿b飲唔係幾好, 所以去埋sogo 買個濾水壺, 可以隔埋總三鹵甲烷、溶解性鉛、霉臭、農葯等13種有害物質, 幾百蚊都用得過既, 起碼安心d~