32 wk 第四次廣華產檢+私家產檢+護協再入貨

前日朝又返廣華覆診, BOOK左11:20, 啱啱11:20到, 都係咁多人等, 不過都有D單丁位坐, 等左半個鐘先有得量血壓, 量完血壓, 驗埋小便又坐係度等, 等到12點3 仲諗緊趕唔趕得切同老公食LUNCH ,點知轉頭就有得睇

今次又係女醫生, 姑娘聽完心跳, 醫生話貧血好左, 要繼續食鐵丸同葉酸,  俾佢按左個肚2下有D痛, 攞埋葯單同到診紙就走得, 落樓下交低張葯單又上番去坐等覆診紙,

去完TOILET 等多陣就有覆診紙, 落番樓下都未有得攞葯, 等多十分鐘先有得攞, 攞完葯去食LUNCH啱啱好, 今次都算快, 1個鐘多D就走得~

今次醒左, 醫院同私家檢查約埋同一日, 唔駛咁趕~

食完飯行一陣就去睇私家, 王醫生幫阿B度頭圍, 肚腩圍同大脾骨, 平均都有34WK大, 估唔到阿B咁吸收............唔知會唔會3月就出世呢?

睇完又過護協買野, 不過買唔到手動奶泵, 思詩樂patpat 棉都無, 又無佩儷m巾, 不過d野都買得七七八八, 爭bb沖涼液,凡士林同kitchen paper未買,  返屋企放低d野, 老公又話要去葯房買bb洗衣液, 初頭諗住買威潔就算, 但老公話買思詩樂好d, 買埋kotex 有扣同無扣m巾$20一包

前晚美贊臣打黎話送奶粉, 話9點前到, 點知過左9點都唔見人諗住唔黎, 唔知十點幾係樓下打上黎話收奶粉, 張被好似幾舒服, 仲有2罐奶粉送, 不過暫時未決定食邊隻~