因為老公唔得閒, 所以搵左媽咪陪我去產檢, 因為d 人話要等好耐, 所以帶定野飲, 買定雜誌同包, 上到去放低覆診紙等叫名, 一坐低打開本雜誌就叫我名, 量完血壓 就驗小便, 阿姐話下次要帶小便黎 , 跟住度磅重, 之後就坐低等叫名抽血, 跟住嗌幾個名坐係度等抽血, 抽果陣已經話會有少少痛, 抽完都有d痛, 估唔到痴膠布果陣都仲有d痛, 好在無頭暈, 等左幾個字就有得見醫生, 問左一輪病歷就上床檢查, check 下bb 心跳, 臨走前仲提我要均衡飲食, 唔駛飲媽咪奶粉, 我話" 我都唔鍾意飲奶"
出番去坐等攞覆診紙, 多左好多人, d 位都差唔多坐滿, 等左4個字先有覆診紙, 仲要落地下等20幾個number攞葉酸, 好多人咳, 我又無帶口罩, 搞到我好鬼驚~
準備走果陣見到有人派媽咪會d form, 填完攞番小禮物就食lunch, 仲諗住可以行下街, 點知越落越大雨, 都係返屋企先
點解你有葉酸咁好架~~~我等左勁耐呀…次次都差唔多2個鐘至走得…第一次就好詳細下, 聽我同BB既心跳, 摸頸, 摸胸, 睇陰道, 抽分泌(呢樣我要求既)摸肚, 第二次只係聽左4下BB心跳, 篤左2下肚…=.=醫生趕1點放飯…
回覆刪除[版主回覆12/07/2011 10:01:14]葉酸預防貧血, 驚我影響到bb卦~
[小藍回覆12/06/2011 16:32:43]我想佢check呀, check得全面d安心d, 之前o係急症都用過鴨嘴鉗, 見佢反正要用, 叫佢抽埋分泌:p 點知佢話我今次驗倒冇事遲下唔會再同我驗b鍊…我老公都係地貧, 原來媽媽一個有都有野要注意既咩? 食葉酸有咩幫助? 我私家都叫我keep住食, 有人話餵奶都要食
[版主回覆12/06/2011 15:37:25]因為我有隱性地貧, 醫生話葉酸要食到生,都算快喇,係等覆診紙同攞葯最耐,好彩我唔駛check陰道,見到個箝都驚, 我諗我下次覆診都好hea~