7點幾就起身,book左早餐8點room service, 肥嬸嬸準備8點送早餐上黎 , 見到個份量真係嘩嘩聲........
果汁同幾個包留番等陣上車飲, yogurt都食唔落,放番雪櫃 , 呢個早餐真係好滿足~
食完早餐又落去周圍行 , 條街無乜人 , 放腳架影相都唔會阻住
中間紅色果間係尋日食lunch間餐廳
行完返去執行李, book左十點shuttle去維也納 , 其實都幾貴,要2200kc , 不過方便d , 唔駛坐完shuttle又要轉火車 , 司機叫Daniel, 初頭以為係7人車 , 點知係私家車,都好,有得坐包車 , 上車無耐 , Daniel又問我攞地址, 我 book車果陣已經講左地址架啦, 佢都無prepare , 唔知點解行小路 , 連路牌都無 , 兜兜下又行錯路 , 搵啱條路又改左路, 原本應該1點幾到, 搞到2點幾先到 .......
係油站break果陣影下架車~
我地係維也納book左民宿,都要56EURO一晚 , 但係近地鐵站, 又有supermarket , 又近我地去布達佩斯既巴士站 , 屋主係台灣黎既建築師 , 一入房就見到枱面有入住需知 , 要慳電 , 唔好開咁多燈 , 夜晚唔好咁嘈 , 會嘈到d鄰居 , 沖完涼要清理甩左既頭髮 , 搞到我有d壓力................介紹一輪之後, 我地就出聖史提芬大教堂行下
過橋果陣見到河邊有人曬太陽 , 啟德明渠都可以咁搞喎!
行到瑞典廣場附近搵野食, 最平都係麥記.........
終於行到聖史提芬大教堂
行埋格拉本大道,鼠疫紀念碑
又見到我唔鍾意既馬車
又熱又曬又攰 , 經過Demel食番杯雪糕 , 再過埋荷夫堡
國立歌劇院都行埋 , 不過入唔到去參觀
搭地鐵返民宿煮烏冬食........
無電視睇, 有城市獵人陪我
沒有留言:
張貼留言