一早起身落樓下食早餐, 選擇唔多 , d橙汁好似用粉閞咁 , 不過d熱朱古力就幾好飲 , 日日都飲2杯

食完早餐出發城堡 , 之前果日係報紙檔買定1 day pass, 入閘果陣打番時間

跟住搭地鐵去Malostranská轉22號電車 ,係電車站見到有班外國遊客同導遊,心諗佢地都係去城堡,跟住佢地實無錯, 點知就係呢架車 , 搞到我地遊電車河 ,

正常電車上山去到城堡後面落車,點知上到山竟然轉右落山 , 個導遊走去問司機, 司機一味耍手擰頭, 我地跟住班遊客一齊落車,有對美國夫婦睇完個路線圖話去Hradčanská‎搭25號電車去到城堡,

我地又跟住佢地一齊搭,點知上車後好似同城堡越黎越遠, 又走去問司機,點知佢叫我地落車 , 要搭返轉頭,於是又返搭去Hradčanská‎, 今次撞到對外國夫婦問緊路去城堡 ,個捷克人話係Hradčanská‎落車行5分鐘就到,於是6個人一齊落車行去城堡 , 穿過住宅同公園再轉右上斜路 , 行左十幾分鐘終於見到城堡後門, 最搞笑又見到22號電車站 , 搞左成個鐘先去到城堡 ....