教堂綵排

前排去左救主堂綵排,BOOK左幾個月都未黎過,終於可以到此一遊喇!
其實環境都唔錯既,係條斜路麻煩D者,原本約左3點半綵排,諗住3點鐘到可以入去坐下,點知救主堂話有聚會,要3點半先開到門,跟住又落毛毛雨,費時花仔花女淋親,於是又打多一次問可唔可以入去先,點知都係唔得,雖則話人手唔夠者,比我地入去先唔通會搞破壞咩....

綵排到讀誓詞果陣,讀到我眼濕濕,好在無喊出黎,如果唔係真係笑死人喇~到交換戒指果part,救主堂話係戴既手係男左女右,跟住我即刻話"乜唔係男女都係戴左手架咩??"救主堂就話"我地係男左女右...."
但係我覺得戴左手好睇D喎,同埋有意義D羅....

綵排果陣有開風扇,但我都係熱到一額汗,唔知到時會唔會涼D呢??