我地九點半起身,十點落樓下食早餐,d野都幾好食,我食左法式多士,食完野等黎客幫我地call的士去masalili.不過上的士後發覺司機行既路同尋日我地截果架唔同,攞張地圖睇,發覺佢轉左入小路,轉轉下先返原本既大路,雖然車費比第一日貴NT15,但係印象都唔係幾好...
去到masalili,係隔離巷仔行入去右手面紫色篷就係化妝既地方,入去等左陣,有個女仔介紹自己叫Oliver,係我既造型師,佢個樣好cute,戴住副黑框眼鏡,佢問完我想點整就幫我化妝,第一套係影內景既晚裝,化完裝行入巷尾既studio,第一個景係鋼琴,一開始影果陣我地2個都傻下傻下咁,要Roger,燈光師小毛同Yetta, 逐樣提我地,好快就ok D,Roger成日話我男友笑得好假,叫佢笑得開心d, Roger幫我影左張單人相我好鍾意,個pose好難擺(對於我黎講), 影完Roger仲讚我聰明添,呵呵
影完內景就換婚紗出外景,今日先去童話城堡,車上面有三文治,盒裝飲品,飲管,水,不過三文治都係咬左幾啖,因為怕整花個妝,小毛負責渣車,坐左半個鐘就到
城堡其實係個收費公園叫新社莊園,一落車係停車場影左幾張,跟住入公園度影,比我想像中多人,d人見到我地好開心,行緊都停係度望,我就頭耷耷咁行,到影果陣就當佢地透明,影左陣換粉紅色晚裝,Roger幫我換頭飾同頸鍊,影左一輪天開始暗,Roger驚會落雨,所以叫我地換衫換快d,最後換左紫色晚裝,小毛幫我換頭飾同頸鍊,影左一陣就開始落毛毛雨,不過Roger話唔緊要,睇唔到d雨,所以繼續影,好多張我都鍾意,影完就開始大雨喇,返到MASALILI,缷完妝過番門市填問卷就叫佢地幫我地CALL的士,我地叫司機停係夜市外圍,食完爭鮮先行番黎客,不過果間爭鮮麻麻地,ORDER完壽司,個WAITER竟然係運輸帶度攞碟俾我,真係俾佢激死...食完又係逢甲夜市食下野先返去,聽日再影過!
Roger 好專業既, 而且佢既藝術觸覺好敏銳,
回覆刪除妳既相一定靚
[版主回覆08/01/2009 11:13:00]係呀,Roger擺景真係好靚,草叢都影到好似樹林咁,哈哈,你d相都好靚呀!
我都係book roger架^^
回覆刪除[版主回覆12/15/2009 09:28:00]yeah! Roger真係好正呀,我地2個傻下傻下都影得咁好,你d相都會影得好靚架,依家先發覺俾Roger睇既相辦,佢影番8成感覺出黎呢! 遲d有無得睇你d相呀?
我會放出黎架 依家都放左之前朋友幫我地影既相出黎(頭像呢幅) 有冇得睇下你O個D呢^^
回覆刪除[版主回覆12/15/2009 09:49:00]pm左係你個blog喇,可唔可以add我呀?
冇問題^^
回覆刪除