俾人玩死....

原本book 左7月頭飛去台中影婚紗相,好開心好期待,點知俾牧師知道左,開頭就話基督徒既reputation好緊要,又話人地問起得我地2個去唔係幾好,要我問伴娘可唔可以陪我去,伴娘當然唔肯做超級電燈膽啦,咁低能

尋晚牧師又問起,咪話伴娘唔肯去,book多間房得唔得,佢又話"點知你地夜晚會唔會走去是但一邊過夜架",跟住又話不如叫我地阿媽去,我心諗唔好玩啦,我阿媽都未去過台灣,又唔識睇中文,講國語,唔通叫佢成日係酒店附近行,等我地夜晚返黎咩?我地返到黎起碼都十點啦,邊得閒帶佢去玩呀,又話我地未結婚去旅行係唔啱既,我男友責任最大,應該要慚悔(駛唔駛趕出教會呢?),聖經唔俾咁做,咁樣係違反基督教教義(咁嚴重??),我咪話我d基督徒同學都係去台灣影相,點知佢連人地教會都鬧埋,話人地教會為左討好d教友隻眼開隻眼閉,唔話俾佢地聽咁做係唔啱既, 開頭已經話落左一半訂無得退,佢話如果真係無辦法都要撻訂(7千幾喎,你俾呀?),7千幾就算係一萬蚊,作為基督見證都係值得既(我已經黑面唔出聲)

越講越離譜,我覺得侮辱緊我地,我地都係想影得靚d者,有乜唔啱呀?結完婚先影俾邊個睇呀?做乜要叫人跟住我地去影者,話執頭執尾,影相都唔俾跟車啦,邊有估到影婚紗相會有3個人黎呀?要出事係香港都得啦,唔通飛走左危險d咩?又唔係第一次去旅行,年尾都結婚啦,最唔想麻煩到人,到時到候等我地返黎,一個人日日係度周圍行

最錯係我話左去台灣影,以後都唔會亂講我地既野,費時又俾人話違反基督教教義