Cynthia and Terence and 小王子: 2013

2013年4月25日星期四

小王子一歲澳門遊Day 3

第三日食完早餐落去游水
小王子:"我好眼訓, 唔游得唔得呀?"

泳池超大風, 比想像中細, 我地房望到個泳池原來係holiday inn, 泳池得7-8個人, 有2個暖水池仔, 仲有2個泳池仔, 小王子又驚, 又攬實我唔放, 浸下水就番房lu, 難為我衫都冇換, 抱住小王子再包條毛巾就上房, 勁樣衰, 好在冇乜人, 幫小王子沖完身, 又夠鐘訓晏覺, 訓醒又精神晒~

check 完 out 去威尼斯人 food court 食lunch, 早知第一日都過黎食, 野食多選擇好多,食完坐巴士去熊貓館, 經過石排灣d澳門公屋, 又大間又靚, 戶戶有露台, 做澳門人真係幸福啊~

$10入場費, 1個鐘1節, 去到都3點半, 睇半個鐘都夠lu

心心個身圓d, 動作懶懶閒

開開活躍d, 食竹都食得好有型

睇完熊貓又出氹仔食飯, 係麥記對面既cafe, 我見d裝修靚靚地, menu又幾好所以試下
樣樣都唔錯, 個蟹肉意粉真係有蟹殼, 仲有好多蟹肉添, 個咖哩雞都好味, 係鹹左少少, 個ribs都

幾好食,埋單差唔多$300

食完去對面搭shuttle 去新濠天地再番酒店攞行李去碼頭, 去到碼頭都7點, 搭7點半船啱啱好

咁就過左3日2夜, 去一轉澳門都散晒............

2013年4月22日星期一

小王子一歲澳門遊Day 2

第二日見冇落雨, 搭巴士去官也街食早餐, 去左興記食 , 2碟豬扒意, 1碟牛尾通, 一人一杯野飲, 埋單$110, 仲貴過平時翠華食早餐, 不過碗牛尾通都幾好食既, 豬扒意就幾漏下

食完去龍環葡韻影相,

影完相開始落雨就行過威尼斯人

行完威尼斯人就番酒店抖下, 小王子食飽又訓晏覺, 4點幾坐的士出氹仔肥仔文食飯, 點知5點先開, 去附近超市行下, 原來澳門超市都幾多野賣,連律菜都有, 買左d杯麵同零食野飲, 聽朝做早餐

超市隔離係盛記粥品, 入去食碗豆腐花同白粥炸腸, 再行番肥仔文食飯, 得我地一枱客, 粥要6點先有, 食住其他野先, 叫左三杯雞, 炸雙丸, 福建炒飯, 樣樣都幾好味, 炸墨丸食左幾粒, 新鮮炸起好好食~

最期待既蟹粥果然好食,好食過誠x, 食得出鮮味, 老闆娘話個粥底用瑤柱煲, 仲拎左一碗仔瑤柱粥請小王子食, 呢個時候, 我99就同老闆娘講好擔心個孫唔食野, 咁瘦又矮, 我心諗, 75成長線都叫又瘦又矮????

埋單差唔多$400蚊, 食完滿意既一餐, 又搭巴士去官也街行下, 行完搭shuttle 去銀河行下,

行左個圈就走, 又搭shuttle番酒店,點知個站離conrad lobby 好遠, 係喜來登賭場果邊, 早知搭去新濠天地好過

番房加條banner等蛋糕

個蛋糕雖然free 但好好食, 落足料, 小王子見到蠟燭勁開心

食完蛋糕影完相, 小王子又早抖喇! 媽媽落lobby 上網, 點知去15分鐘, 番黎係門口已經聽到小王子喊聲, 老公話我出去冇幾耐就喊醒, 喊到我番黎, 媽媽錫完又訓番,生保地方零舍痴媽媽

眨下眼,小王子一歲喇!
媽媽唔攪生日會, 因為太煩, 所以去澳門慶祝下,搭12點船, 第一次去澳門要拖28寸喼, 半喼都係小王子既野, 99指定要帶2L水, 好彩老公負責拖喼, 我淨負責揹小王子

今次揀左conrad macau, 因為多bb用品, 咁啱又有買一送一, 2千2蚊住2晚, 1點幾到酒店已經可以check in ,小王子聽日生日, 酒店送蛋糕,問埋幾點送上房, good!

成個trip都幾好, 最後悔係叫左99去...............佢把口由朝到晚都冇停過.................

check 緊in