淘~bb用品

成日想係淘寶買bb衫, 不過老公話有甲醛, 我又驚貨不對辦,所以未買過,諗住買蓆俾小王子, 所以上淘寶搵下,點知淘下淘下越買越多,下次要再買過~

張蓆幾舒服, 枕頭要大過d先用

呢間包裝最靚,質地最好

包被都唔駛一百蚊~早知早d買

minimoto d衫都幾抵, 小王子好鍾意用新浴網~

d衫都係rmb30幾蚊件, 咁大件又排著

呢件留番100日大著~都係rmb29,不過要浸耐d, 洗多幾次先俾小王子著

小王子2個月喇~

今日我家小王子2個月大喇, 呢2個月黎真係有血有淚, 但見到小王子笑就點辛苦都抵番,次次去健康院姑娘都問我有無野唔開心, 有無野擔心, 有無諗過傷害自己同阿b, 一諗起會傷害阿b就眼濕濕, 我都有d驚病起上黎會咁做, 但今次見姑娘心情好好多, 諗番小王子朝朝換片都對住我笑, 同我講bb話, 即刻開心番晒, 我諗下次唔駛再見姑娘卦


小王子日頭要人抱先肯訓, 放落床就fing手fing腳, where面, 食手指, 扯自己頭髮同耳仔, 試過where到流血, 依家訓覺一定要帶手套仔, fing到發脾四, 訓醒就要食奶, 大食起上黎一個鐘食一次媽媽奶, 食食下又訓著, 訓醒又食過, 依家我變左on call 24小時, 姑娘都鼓勵我餵全人奶, 因為可以幫bb d 腸加保護膜, 不過有時去街都要開奶粉, 之前睇奶粉廣告話bb無便便好擔心, 依家佢4,5日先有便便, 搞到我都有d擔心

今日同小王子磅重有成14磅, 都唔知準唔準, 要下次去健康院先知~
同小王子行百貨公司bb部, 最鍾意望人地bb, 小王子都唔似2個月大, 仲大隻過d 3,4個月既bb, 見佢塊面越黎越闊, 雙下巴越黎越厚都幾開心, 估唔到佢食媽媽奶食肥佢, 可能我食得雪糕多, 有時又食肥膩野搞到佢咁, 放多2個禮拜假就要返工真係會唔捨得佢~