好在有請隌月, 等我日頭都可以休息下, 陪月冰姐前幾日last day, 我都有d唔捨得, 阿b都好鍾意陪月姨姨, 姨姨同佢講野, 佢會好冧咁望姨姨, 唔似得見到工人姐姐喪喊, 尋日仲幫阿b同姨姨影相, 等佢大過知有個姨姨照顧佢
初頭諗住生完得番半條人命, 點知生完又ok喎, 食得訓得, 都算精神, 加埋陪月d代茶, 燉湯, 上奶湯, 面色仲好過生之前, 不過有左肥左30磅, 仲差9磅先返家鄉, 可能到返工果陣先瘦番
頭2個禮拜條腰好易酸, 攤係床訓到起身果陣條尾龍骨會痛到起唔到身, 陪月煲杜仲花生煲豬尾骨, 飲左2次好d, 加埋用腰封好少少, 陪月話要訓多d, 坐得多對條腰都唔好
以為淨係要煲薑水沖涼洗頭, 原來最好連洗手都用薑水或者熱水, 唔係老左好易風濕, 陪月加左d茶辣落d薑水度, 話驅風勁d, 用完薑水沖涼都唔覺個身慶, 陪月話我可能個身無乜風, 都幾好
我覺得我唔算上奶, 就算飲完d上奶湯, 每邊頂多泵到2安, 係有次飲完個通草湯, 每邊先泵到3安, 真係勁開心, 遲d一個禮拜煲一次, 儲定奶俾阿b下個月飲
生完有d產後抑鬱, 第一次去健康院阿b唔夠磅數, 又話我餵既次數唔夠多, 又唔夠上奶, 已經唔開心, 醫生一問我心情點樣, 我話有壓力就開始喪喊, 諗起之前奶奶話唔夠奶就補奶粉, 出院後又日日上黎, 老公又唔出聲, 搞到我好煩, 醫生俾張產後抑鬱既單張俾我睇, 我又喊, 醫生問我有無諗過死, 我話無, 跟住醫生同我老公傾下, 上左的士陪月就安慰我, 連的士司機都幫埋口, 老公又話買糖水我食, 心情先好番D
湊阿B真係幾辛苦, 日頭食完奶又唔肯訓, 要人抱, 放落床就喊, 埋身餵食食下又訓著, 所以食得密, 係陪月先搞得醒佢, 我都唔係次次得
阿B2個禮拜大眼膠勁多, 搞到眼到紅埋, 名都未定就要睇醫生, 覆診咭都係寫住bb先, 好在醫生話好多bb都係咁, 滴下眼葯水就得, 滴左幾次就好番喇~
但阿b好番就輪到我睇醫生, 戴有鋼圈bra又谷奶搞到乳腺發炎要食抗生素, 搞到我唔敢再戴鋼圈bra
谷奶谷到有硬硬地, 陪月幫我按下, 真係勁痛, 按極到唔散就埋身餵多d, 飲埋通乳湯先無咁辛苦
晏下眼就滿月,買個蛋糕自己慶祝下就算, 坐完月沖番個熱水涼真係正, 食埋雪糕好爽~
