由酒店搭地鐵去Anděl站都係幾個站,8點3先係酒店出發都無問題 , 但我老公8點都未到就係度催催催, 一到8點就準備拖喼走 , 我連杯朱古力都未飲完羅
,佢好唔願意等埋我飲埋杯野 , 一路話好趕 , 結果唔駛8點半己經到Anděl站 , 跟"bus stop"個出口仲有扶手電梯上巴士站, 一路向右行就搵到1號巴士站, 搵埋巴士站都係8點半羅.........
當我地呆坐既時候 , 隔離有班泰國後生仔女仲早過我地到,等左幾個字終於可以排隊上巴士 , 全車滿座 , 準時9點開車
開車無耐,姐姐就派野飲,一人一杯熱朱古力,中途停一停cb就到我到落車個站--Špičák,得4個人落車,
落左車見到條橋,行相反方向, 向住停車場行,
嘩嘩嘩!彩繪塔真係幾靚, 我地過完河一路向彩繪塔行, 就到我地間民宿喇!
原本想book街尾果間,但最少要住2晚,所以book呢間, 呢間房係全個trip最貴 ,要€58一睌,不過我覺得都值既,佢既早餐真係好吸引,又有得揀閣樓既房!
我地book間民宿樓下係餐廳,民宿係2,3樓,我地book左頂樓,個窗俾樹葉遮住左, 我知係後門入,咁啱有人送貨,順便同個靚仔講我地book左房,佢就幫我托埋行李上房
放低行李就周圍行下,行左一陣就去食lunch,我既芝士釀雞扒
炸豬扒
呢餐都幾平,飲埋野都係百幾蚊港紙~
