等左幾個月終於出發!先飛8個鐘去杜拜,再轉機去布拉格
第一次坐A380,我地揀左機尾坐,因為機尾先有2人位, 我覺得闊過平時D 2人位,伸腳都好舒服~呢班機好多印度人,好彩附近無印度人,如果唔係D味都幾勁
上機無耐就派眼罩,牙膏牙刷 同襪 , 之前同老公訂左海鮮餐 , 估唔到係吞拿魚三文治....
當時真係O左嘴 , 訓下醒下,又到早餐, 海鮮餐係帶子同蝦串燒 , 我果份就蘑菇奄列, 最鍾意暖暖地既牛角酥
坐左7.5HRS 終於到杜拜 , 落機就排隊過SECURITY CHECK , 排左幾個字先到我, 見到前面有個阿叔俾人CHECK到有支酒, 仲好似新買 , 阿叔係咁話個STAFF , 但支酒都係俾人扔落垃圾桶.....
凌晨5點機場仲好旺 , 10點左右先上機 , 有得放晾腳既位都俾人霸晒 , 唯有上下網, 恰下眼訓 , 食BURGER KING 攝時間 , 見BURGER KING 無寫ACCEPT EURO 就走去換錢買餐食,點知前面個人俾美金 , 再問下STAFF 原來係收EURO , 真係蠢....唯有安慰自己佢個RATE 應該無咁好羅~
等呀等終於等到上機 , 今次揀第4行坐,叫左可樂飲,係迷你版可樂 , 仲有幾隻汽水揀~
午餐都幾好味 , 今次飲檸檬七喜 , 原本10:10分飛,點知遲到10:45分先飛 , 但係都ON SCHEDULE 2:30到布拉格
一落機就有幾個POLICE CHECK下我地PASSPORT, 過關無人排 , 好快可以出去等行李 , 出ARRIVAL HALL 都係3點 , 一出ARRIVAL HALL , 就FEEL 到又凍又大風 , 即刻番入去攞褸 , 好快搵到SA 巴士站出機場, 出發前訂左STUDENT AGENCY 出入機場 , 原本BOOK 4:30 , 咁啱見到架去KV既SA巴士 , 我問個姐姐可唔可以改早一班 , 佢話OK , 所以我地等3:30架車出機場, 等到架車黎, 個姐姐話要10KC手續費, 又唔可以俾EURO , 我地都未唱錢 , 好彩見到個中國人 , 我地用EURO同佢換KC , 先至上到車 ,因為有D塞車, 差唔多1個鐘先到FLORENC 巴士站 , 行左20分鐘到酒店,因為d石仔路好難拉喼羅, 拉到手到痛....
我對呢間酒店無乜期望,乾淨唔嘈就ok , 因為只係euro50/1晚,仲要包早餐, 離metro7-8分鐘左右,d 人既comment 好壞參半 , 我覺得都ok既, staff都幾nice,不過有lift同無lift都無乜分別,住2樓, 入lift要上半層 , 出lift又要落番半層.....
