食完就係酒店附近行下 , 再上埋船吧影下相 , 落去泳池浸多轉就CHECK OUT LU~
跟住搭地鐵去世界之窗搭B681去歐洲城行下 , 係A出口個巴士站等左陣就有車 ,係架小巴黎 , 唔係好多位 , 坐左十幾分鐘就到 , 架小巴一轉入歐洲城就有站 , 我地跟D人落車行入宜家 , 我地去到差唔多2點 ,去到宜家第一件事放低D行李係LOCKER , 原本想去餐廳食野 ,不過勁多人排隊 , 所以行完先食 , 我地由兒童傢俬部開始行 , D細路係度橫衝直撞 , 跑黎跑去 , D家長都唔理既....
深圳宜家真係好大 , D款多過香港少少 , 買左個刨都係RMB4.9 , 香港賣10蚊 , 可惜量匙無貨...
叫左個酿餡三文魚配混合蔬菜(RMB22.9)同肉丸(RMB15.5)
係度影IKEA個BUILDING果陣 , 見到個3歲左右既小朋友同佢爸爸行緊 ,無拉拉個小朋友走入宜家門口前面一個擺設 , 原來佢走入去小便 ,佢爸爸就若無其事咁等佢出黎 , 真係好TERRIBLE .....
影完就過迪卡儂行 , 一入去就見大人細路係度踩單車 , 估唔到連ROLLER都有得試 , 行行下見到個阿嬸抱個BB係個垃圾桶上面小便 , 我同老公拿拿聲彈開 , 個TOILET係入口啫,唔駛3分鐘就行到啦 , 都唔明點解要咁做.....唔通係我地大驚小怪?!
買左條快乾毛巾 , 大到可以抹身 , 都係RMB50 , 想買d防水防風褸 , 不過d款唔啱 , 買完就番宜家攞野走人 , 因為特力屋同B & Q唔啱我地行.......
去到宜家個locker , 見到我地開locker果陣果pair情侶 , 原來個男仔開完locker 又開番放女朋友個袋入去 , 但係密碼只可以用一次 , 即係開唔番個locker , 我地見個staff 準備撬個locker , 都唔知攞唔攞得番.........
攞完行李就番落車果度等車 , 見到有4, 5個人等緊 , 等左陣有車黎 , 但係坐滿晒 , 原來果度唔係總站 , 早知坐到總站啦 , 我都唔知總站係邊??
我地企到世界之窗落車 , 見好多人係白石洲個站落 , 果度仲有間幾大既商場 , 似賣電器同建材 , 不過我地無乜興趣 , 落左車又去益田假日廣場間Ole 開locker , 不過d Locker細d , 我個背囊都放唔落 , 唯有攞d重野出黎放入去啦......
放完d野都係4點幾 , 又行去隔離間新一佳行下 , 不過d價錢同Wal mart差唔多 , 都無買到野 , 跟住又番去益田同新一佳中間既斜路行上去搵小肥羊 , 過左d樹同熟食檔就見到 , 我地坐窗口位 , 望住對面d住宅 , 我地慢慢食 , 食到差唔多7點先走 , 叫左6,7碟 , 埋單RMB120 有找 , 下次可以再黎 , 呢間小肥羊都幾好 , 7點黎都唔駛等位 , 上次去寶安南路果間6點幾已經排長龍......
食完番益田Ole攞番野就過對面馬路等巴士 , 我地行地鐵條隧道去世界之窗出口 , 一出已經企滿晒人 , 原來世界之窗都搞玩哈囉喂 , d人係度等人同等入場 , 加埋d小販真係無路行...........逼逼下先行番去巴士站 , 等左陣上左26路巴士去皇崗 , 點知兜晒路 , 早知行後一個站等其他車 , 激死我喇!!
咁就HEA左2日返香港~
