HEA遊深圳(Day 1)

趁住仲有假 , 請左日上深圳HEA下 , 一個鐘就過完關 , 不過係皇崗等巴士都等左10分鐘左右 , 可能呢條線無乜人搭 , 因為未夠鐘CHECK IN我地去少年宮買書同碟 , 坐左差唔多25分鐘先到 , 下次都唔搭呢架車喇~
落車轉過彎就見到深圳音樂廳同圖書館 , 過左就見到深圳博物館 , 跟住前面就係書城 , 上次黎呢度先啱啱開張 , 今次多左好多舖頭 , 放低D行李係LOCKER就去睇碟
DVD揀唔到，都唔算好新，反而老公買到2隻～

買完就去食野先，老公話想食面點王，　之前係萬象城食過覺得都幾麻煩，要自己出去攞野食　，要麵，點心，涼菜，都要分開同人攞，呢間野仲搞笑，１點幾已經無牛肉麵，窩貼，水餃，叫得碟川北涼粉同小籠包，搞到要去味千食多次，個麵都ＯＫ，但個牛肉餃子唔係好得～

食完又去睇書 , 諗住買d食譜 , 但係寫得好簡單 , d餸又唔係好吸引 , 所以都無買 , 睇完夠鐘返酒店check in , 搭地鐵去華僑城站 , C出口就係今晚住既深圳華僑城洲際酒店喇!
星期五唔係好多人住 , 不過佢俾左間尾房俾我地 , 真係行到腳軟.....

間房仲大過我屋企 , 最鍾意個浴缸 , 可以一路浸浴鹽一路睇電視~

不過個衣帽間好似好耐無人清潔過咁 , 衫架都舖晒塵....
影完間房就落去浸Jacuzzi同游水LU!

有部專Lift落泳池 , 經過人造沙灘得幾個人 , 我地行入室內泳池 , 點知哥哥話要係隔離登記 , 報左房號就得 , 原來有膠拖鞋著 , 早知唔駛著房入面對毛毛拖鞋落去 ....

行出泳池個哥哥又話要戴泳帽落水 , 所以借左2個黑色泳帽 , 我唔識游水 , 所以去Jacuzzi , 不過要叫哥哥開掣 , d水熱熱地啱晒我 , 老公就游隔離個泳池 , 個池得2個人咋 , 游游下多左d大陸人 , 佢地游完一個塘就"卡吐" , 真係好核突 , 驚死人唔知佢吐痰......
浸左一個鐘左右又上番房抖下 , 可以用房部BOSE睇DVD , 睇左陣就行過去益田假日廣場食飯 , 今晚食江南廚子 , 原本諗住訂枱 , 點知佢話2個人最低消費RMB480 , 2個人都唔知點食 , 所以早d去霸位~

我地去到都係6點左右 , 坐低就係咁sell 大閘蟹 , 我地叫左露筍 , 蟹粉小籠包 , 姜酒童子雞 同干麵 , 樣樣都好細碟 , 露筍幾好食 , 個小籠包有d腥 ,  個雞好濃味 , 似照燒汁多d , 干麵都幾好 , 食完都係啱啱飽 , 但係要成RMB180幾蚊羅 , 我又覺得唔係好值 , 之前係巴蜀風叫幾樣都係RMB100左右咋麻 , 老北方餃子食到嘔都係RMB60 , 我覺得呢間野似賣裝修同服務多d羅 , 我地坐走廊側邊 , 大部份時間有個waiter 企係我地附近 , 最搞笑我諗住斟茶 , 佢地想搶我個茶壺斟茶羅.......

好耐之前試過西湖春天 , 諗住呢間係同一集團 , 應該都幾好 , 不過有d失望羅 , 應該都無下次 , 反而見到對面果間俏江南好多人等位 , 下次都可以試下!

食完8點都未夠 , 行左陣商場就坐地鐵番華僑城行Wal-mart

雖然賣碟既地方唔係好大, 但新既電影DVD仲多過少年宮 ,
仲有D特價DVD都係5蚊隻 , 不過唔啱心水 , 買左D孜然粉 , 五香粉 同花椒粉 , 不過Wal-mart無上次係家樂福賣果隻友x花椒粉 ,
剩係得友x孜然粉 同五香粉 , 所以買左王XX花椒粉 , 不過用完無乜料到 , 無上次果隻食到條痢都痺晒~



仲買左快乾抹頭毛巾 , 之前搬屋唔見左媽咪之前買俾我果條 , 買番2條補數 , 咁啱又有特價 , 都係RMB 7個幾 , d調味粉攪到個旅行袋一陣味 , 下次都係帶多個膠袋袋住~



返到酒店又影下相 , 影完就返房浸住浴睇讀心!

歐洲11天團-Day 10

第10天 倫敦(英國)->市內觀光->香港
◎大英博物館British Museum~是英國規模最大和最古老博物館。
●大笨鐘Big Ben~倫敦地標。
●白金漢宮Buckingham Palace~最典型的象徵是頭載黑高帽皇室禁軍。
◎唐人街 Gerrard Street~身為中國人是不能不去的倫敦市中心地區。
●聖保羅大教堂St. Paul s Cathedral~倫敦市最大羅馬式教堂。
●西敏寺國會Westminster House of Parliament~后現代哥德式建築。
●倫敦塔Tower of London~英國皇室的所有傳奇傳說集中地。
●塔橋Tower Bridge~維多利亞時代輝煌代表，橋也要兩層才有氣派。
@點心午餐Dim Sum Lunch~多天在歐洲生活後，這個午餐滋味在心頭。
晚上乘國泰航機直航返港。

今日係最後1日喇 , 今晚要返香港~

一早落去食早餐 , 我覺得D早餐係咁多日黎最好架!
因為有薯餅食, HEHE
其實仲有好多野食既 , 不過好耐無好薯餅 , 有得食零舍開心~

原本去白金漢宮先,不過因為英女皇生日附近封晒路,所以晏D先去~
第一站去左TOWER BRIDGE附近既公園 , 仲有座古堡咁既野 , 最好係有得派LIPTON檸檬茶 , 我地一人攞一支~

跟住就去聖保羅大教堂前面影下相 , 再過條馬路行下Millennium Bridge , 就去大英博物館喇~
紅色衫果個係我地今日既導遊 , 阿CHRIS , 佢把鴨仔遮都幾得意 , 佢同D STAFF 都幾熟下架~

一入博物館就見到ROSETTA STONE，仲有ROSETTA STONE紀念品賣添～

仲有係埃及搬番黎既門神～

去到放希臘文物個館 , 見到D雕塑都唔係幾開心 , 大部份都係無頭無手架~

再行去放木乃伊既房 , 導遊叫我地小心D , 佢話呢度好多扒手~
原來貓都有木乃伊,成個保齡球樽咁~

左邊係江澤民都讚好既佛像 , 右邊無記錯係中國送既敦煌雕像~

睇完博物館就去LONDON EYE 同影埋BIG BEN , 不過因為係WEEKEND , LONDON EYE果度好多人排隊 , 影完相就去唐人街食點心 , 炒麵幾好食 , 炒飯麻麻地...

食完就係自由活動個幾鐘 , 跟住就係Leicester Square 周圍行個圈 , 見到有TESCO就買D薯片同TWININGS茶包做手信 , D三文治有好多款 , 不過頭先食得飽都食唔落....
跟住又行下對面既三越 , 入面全部係日本人 , 仲有 Cath Kidston 賣 , 都ok多款 ~

行完就上番車去白金漢宮同西敏寺~

其實無乜野影 , 咁啱又有隊馬經過 , 當堂開心晒~

領隊話仲有D時間話可以去HARROD'S 影相 , 我好想去戴安娜個水池影下相 , 因為唔係好多時間 , 入面又大 , 問完SECURITY就行到最入再落地庫就見到喇!

跟住就要去機場喇 , 其實都係4點幾 , 領隊話驚塞車同埋驚退稅搞得耐....

一落車就見到條長人龍排除搞退稅 , 我地HAND CARRY 要退稅既野 , 所以入禁區先搞退稅~

入到禁區過SECURITY CHECK好麻煩 , 又要除皮帶 , 又叫D人除鞋 , 化妝袋有液體既都要攞出黎用密實袋裝,麻鬼煩 , 搞到我好狼狽 , d海關個個都黑口黑面 , 我見排我地前面d中東人仲check得嚴d....

好彩退稅個COUNTER都係排2個人 , 跟住就過隔離海關COUNTER吸個印 , 再寄埋張FORM就搞掂 , 過完關仲有成2個幾鐘先上機 , 但係我地個TERMINAL 3 好細 , 我地買左盒GODIVA , 都係13鎊左右 ,  無無聊聊又行下BOOTS , 買唔到護膚品 , 買左三文治餐 , 有薯片 同 汽水 , 人地話Gucci平d , 都無乜款 , 無買到 , 仲有間 mini Harrod's 可以行下 , 咁啱世界盃英格蘭唔知對邊隊 , 有電視直播先無咁悶 . 可惜英格蘭都係輸左............

終於等到上機 , 不過倫敦飛番香港仲耐過香港飛羅馬1個鐘 , 好彩今次坐中間果排既走廊位 , 都仲伸到腳 , 如果唔係真係幾辛苦.....

歐洲11天團-Day 9

第 9 天  巴黎(法國)->自由活動->歐洲之星列車
->倫敦(英國)
早上自由活動，嘉賓們可自由前往巴黎著名的百貨公司區自由購物。
◆歐洲之星Euro Star~連繫歐洲本土至最大的一個島，當年拿破崙的夢！
◆倫敦London~霧都光芒重現，尋找英倫傳奇，探訪倫敦是不可少。




今朝8點就落去食早餐,跟住就攞行李落LOBBY寄存,不過我唔明點解要自己推行李入行李房羅~

今日好緊張,第一次自己係巴黎搭地鐵去羅浮宮,之前search過由酒店去羅浮宮大概半個鐘,帶埋酒店送既地圖出發!

有d團友去shopping嫌麻煩幫襯領隊租車,因為領隊話去老佛爺果頭要成個鐘喎,無記錯租車要成euro50架~
我地呢d梗係自己搭車啦,一程都係euro1.6者,其實都幾好玩既,半個鐘都到羅浮宮啦,係轉綫難搵d者~

我地去羅浮宮先至9點2,SECURITY CHECK無人排,買飛都唔駛排,一人EURO9.5入場費,首先去睇羅浮宮三寶之一既勝利女神像,我地見到果陣係一個人都無呀,任影唔嬲,跟住就搵蒙羅莉莎的微笑,又係無乜人,果然早黎有著數!最後係維納斯女神像,果陣已經有幾團到喇,所以影相都有D困難~

左邊2件都係米高安哲羅既作品,初頭都唔知,覺得呢2件雕得好逼真,連d肌肉都雕得好細緻,睇番下面介紹先知,原來真係米高安哲羅~

行到十二點幾就走,好多都未睇,不過已經有D腳軟,跟住就坐地鐵去Saint. MICHEL站食LUNCH

我地食pizza做lunch, 2塊pizza +1罐可樂,盛惠euro11.4,食完過番河就係聖母院,途中經過水池又幾靚喎,係水池附近見到有間PAUL同一間幾大間既葯房,有我想買果支Bioderma水份精華,價錢平過蒙馬特山果頭,不過都要euro13,好過無啦,照買~

聖母院入面原來俾用閃光燈影相,係入面行個圈,買左個 euro2既coin, 就去後面公園影相,有好多人排隊上聖母院,不過我地無時間,所以都無排~

係聖母院後面既公園影d相好靚,個天又藍,又有草地,仲有人夾band添~

我地沿住河邊行番去搭RER返酒店,不過RER買飛無咁方便,要係counter買飛,排我地前面個阿婆同個staff傾左好耐先搞得掂,排左5分鐘都有喇,我地就望下係邊個月台搭車,佢得左同右,但2邊都無我地要去既站,所以買完飛問個staff 係左邊定右邊落,佢話左邊,跟住講"two floor",即係落2層啦

我地落左層見到有架雙層火車 , 但我又唔見show去邊既站名 , 隻色又唔係我地要搭果條綫既色 , 見到有條樓梯仔 , 但又無指示去邊 , 老公話不如上車先 , 我話再睇定d,跟住係樓梯仔前面見到2張就黎甩既藍色貼紙 , 上面寫我地要搭條綫既名 , 先搵到個月台咋,  好彩無上到果架火車 , 如果唔係都唔知去左邊...

架火車殘過今朝搭既地鐵好多,仲有d人拖住喼,似係機場出黎~
坐坐下有個男人拎住個杯蓋同本相簿企係車廂中間大聲講法文,我地都唔知佢講乜,周圍D人又無乜反應,到站果陣有個阿伯放左D散紙落個男人個杯蓋度,果陣先知原來係乞錢.......

坐火車唔駛轉車坐幾個站就到,出站又去PAUL度行下,睇下有無野買,跟住就行番酒店等集合同攞番D行李,我地係LOBBY等緊果陣見到之前接我地個旅遊巴司機係度等第二批客,好搞笑呢~尋日先SAY GOODBYE!



有個團友收穫豐富,又CHANEL, BV, LV,Ferragamo,GUCCI...
不過佢買得太多,個喼都放唔落,又執唔切,搞到要一袋二袋上巴士...
另外有個團友就買左2個HERMES,果然係最後衝刺!

我地坐另外一架旅遊巴去巴黎東站 , 途中經過非洲區, 感覺有D雜,D黑人個個6尺高 , 如果我係隔離行過都有D驚 , 領隊都話呢排聽番黎都係巴黎唔見野 , 叫我地落小心D,因為有D吉卜賽人會走埋黎乞錢,我地落車拉喼過對面馬路入火車站 , 一落車已經有2個吉卜賽女人問我地識唔識英文 , 我地無理佢 , 快步過馬路 , 仲睇實自己個袋,我唔想臨尾先唔見野呢!

領隊一人派一張車飛跟住就過關 , 先過法國 , 再過英國,過英國果陣問下你黎做乜 , 黎幾日咁羅 , 過完關就排隊等落火車 , 因為領隊話行李架好少 , 所以早D落去霸架位~

其實我地坐5點車 , 4點4已經排緊隊喇 , 入面都有幾間舖頭行下既  , 有PAUL , HEDARD , Häagen-Dazs ...等左半個鐘有得落月台 , 我地坐車尾果卡 , 仲要坐4人打對面坐既位,初頭對面無人都OK , 點知坐我地對面係2個高大英國男女 , 跟住就好逼喇....

開左車有D人走位 , 去TOILET果陣見到前面果卡有吉位 , 但其他人都坐係尾卡 , 所以都無走到....

好彩一個鐘就到 , 而且倫敦慢巴黎一個鐘 , 去到先5點幾 , 出左火車站去食飯先 , 果間餐廳有麻辣火鍋食 , D餸好啱我食 , 因為夠辣 , 不過其他團友COMPLAIN太辣......仲要自己叫多碟西芹雞柳添....

食完又返酒店喇 , 今晚住Novotel 係Dockland度 , 好似係市中心坐好耐先到....

不過間房都幾大 , 連熨斗都有~

不過最唔鍾意個馬桶同洗手盆分開羅~

放低D行李又落酒店附近行下 , LONDON 涼過巴黎好多 , 加左件外套都仲有D凍 , 跟住又去酒店對面間超級市場行下 , 雖然唔係好大 , 不過好過無啦~

聽晚要返香港LU~

歐洲11天團-Day 8(Part 2)

第8天 巴黎(法國)->市內觀光->蒙瑪特山->塞納河遊船河
●協和廣場Concorde~法國大革命期間，曾為斷頭臺之地。
●拿破崙墓Napoleons Tomb~巍峨的大金頂，其閃亮的光芒遠遠看到。
●香榭麗舍大道Champs Elysees~世界聞名，是遊人必到之處。
●凱旋門Arc de Triomphe~拿破崙盛世的代表象徵，是為了紀念拿破崙一連
串的軍事勝利而建立，讓拿破崙軍隊凱旋歸來在此接受歡迎。
●亞歷山大3 世橋Alexander bridge ~有世界最美的大橋之稱。
●戰爭博物館廣場Hotel des Invalides~當國家元首到訪，閱兵禮廣場。
●艾菲爾鐵塔Tour Eiffel~於1889 年落成，唯當年世界第一高的建築物！
◎蒙馬特山Montmartre~巴黎唯一小山崗可俯瞰全市及著名畫家村所在。
◎特別安排塞納河遊船河
★羅浮宮博物館Palais du Louvre~詳情敬請參閱價目表。
★紅磨坊夜總會Moulin Rouge~須穿整齊服裝，詳情敬請參閱價目表。

我地去到碼頭已經夠鐘開船,所以我地全部人一落車就跑,好在趕得切,我地仲坐到第一排既2個位,不過個VIEW好快俾人遮住,直頭企正我地前面影相....
天氣好好,不過樓上好鬼曬,我又無帶帽同太陽眼鏡,好似係度乾蒸咁....
隻船一路會播住D地方名,羅浮宮,聖母院同巴黎鐵塔都會經過,過程都幾ENJOY~
一個鐘好快過,落船就出發去老佛爺,出發前講左D LV MODEL#俾領隊留貨,去到就有得羅,不過去到就一肚氣!
入到老佛爺就見到好多大陸團友坐係樓梯度,我地係地下聽完簡介之後就過埋春天百貨,聽完之後就過番老佛爺買LV,係門口排6-7人,到我地果陣就俾張RESERVATION LETTER俾RECEPTION,點知佢話係1樓攞喎,咁我地咪話入去睇款先羅,見到我想買既NEVERFULL,前面有一男一女SALES對2個日本女旅客,基本上男SALES係齋企係度,我叫個男SALES攞個袋俾我睇,佢話佢SERVE緊人喎,唔攞得俾我睇喎,我心諗,個袋係你後面,叫你遞一遞俾我睇者,唔影響你繼續SERVE人卦?!
跟住都無睇就走上1樓,去到COUNTER前面又有2個男人排緊,一個男SALES見我有RESERVATION LETTER就問我"MAY I HELP YOU?"
COUNTER個女SALES見到就好惡咁用法文同個男SALES講野,我諗係話應該SERVE前面果2個男人卦,跟住前面果2個男人問完野,終於到我地,俾左封信個男SALES,有一款無貨,NEVERFULL要係地下攞,跟住我問佢,唔係RESERVE左架咩?
佢話如果有客要會賣左先喎,咁我RESERVE黎做乜呢???
等緊佢地攞袋果陣,我地有得坐係梳化飲茶,果緊先順番條氣,跟住見到D團友,佢地都係咁,RESERVE係無用架.....
買完袋,上去行個圈,去天台影下相,就落BASEMENT搞退稅,條龍打晒蛇餅,排隊連退稅,應該45分鐘搞掂,因為我地唔食自費海鮮餐,約左領隊8點係地下等,

我地去OPERA附近Léon de Bruxelles食青口,我地一人揀一個SET,有前菜,青口同薯條,

因為無免費水,我地叫左杯德國啤酒飲,我叫果個係Les Moules Léon係CREAM汁咁羅,食左一半已經好漏,老公叫Les Moules à la Provençale,好似番茄汁咁,中途我都點老公D汁食先食得晒,D薯條都熱辣辣,不過實在太飽,REFILL唔到....
埋單EURO40左右,食完就去Opera前面影相,老公幫我影果陣,我聽到"拍"一聲,老公就大叫"哎呀",我擰轉頭睇下,見到有個女人係的士側邊好慢咁企係身,老公話個女人過緊馬路果陣俾架的士撞到,真係嚇死我喇~

跟住又行去老佛爺行廚房部,想睇下Le Creuset 乜野價錢,不過無特價,貴過香港少少,又夠鐘返老佛爺地下搵領隊,我見領隊未到又睇下 L'Occitane, 睇睇下就見到領隊喇,我都未睇完.....
跟住就上車去join其他團友,佢地都係老佛爺附近食海鮮餐,然後就夜遊鐵塔!
首先去左夏佑宮（Palais de Chaillot）,8點幾天都未黑, 影左d相就去鐵塔,我地去到鐵塔入口排滿晒人,因為我地有預約,可以唔駛排咁耐,部Lift好似籠Lift, 我諗都好多年歷史,逼逼下到第二層影相,上最高果層仲要係第二層再排隊,我地上到去都差唔多9點喇,但係好多建築物既燈都未開,一到9點鐵塔就有閃燈喇,好靚,不過遠d睇會更加靚~
行左個圈就落番地面喇,因為越黎越多人,我地又去左草地度影相,鐵塔夜景真係靚好多呢~

影完又上番夏佑宮（Palais de Chaillot）等睇鐵塔閃燈,領隊都話好值得睇,果度都幾黑,啱晒睇閃燈,又夠空曠,我都覺得好正!

睇完又車我地去凱旋門影夜景,影完返到酒店都11點喇,好鬼攰..........