歐洲11天團-Day 2(Part 2)

第2天 柏拉圖(意大利)->名牌直銷中心(The Mall)(意大利)
->維羅納(意大利)->威尼斯(意大利)

坐多半個鐘車就到左the mall,有個講普通話既Customer Service同我地介紹下d舖頭同邊度退稅,我地有2個幾鐘連食LUNCH時間,其實THE MALL唔係好大，我地第一時間衝去GUCCI,諗住買個袋同銀包俾屋企人，點知Ｄ袋款麻麻地，一係好大，一係好細，呔同皮帶最平都要hk1000,但d款又唔係太靚,所以買唔到野,跟住再行Armani, BV都無野啱,去到Burberry見到我想買既cashmere頸巾,不過要EURO120,真係唔捨得買...
行埋出面既Diesel,d野平d但都無野啱, Lindt又好多款,不過唔知貴唔貴,而且我地諗住係瑞士先買,所以無買到,最吸引係the mall入口既玫瑰花,開得又大又靚

最後行埋Lindt樓上既Miss Sixty, 入口一個人都無,行左個圈就走Lu
跟住行番入去餐廳食飯,地下似快餐,樓上就有人serve既,我地係地下買左一件pizza, 一件sandwich同一杯cappuccino 都幾好食

食完坐左陣都未夠鐘走,就過去停車場到影下相,等下等下終於夠鐘,有個團友話好趕,排隊退稅又慢,最後無退到,佢都買左唔少野,我諗可以退返幾百蚊港紙....
又要坐3個幾鐘車去維羅納喇~
5點幾去到維羅納,車停係外圍,領隊帶我地行入去茱麗葉屋企,過左拱門遠望競技場,係意大利第三大競技場,

途中經過個公園,唔知點解好臭,過左公園又唔臭喎~
跟住行入步行街,左面已經係LV,一路上都有好多名店,同埋眼鏡舖,因為我副太陽眼鏡唔見左,上雪山無得帶,雖然老公有多副,但係係踩單車d款黎架,都唔靚既,而且Ray Ban係意大利做，由我空運返香港，買到梗係開心ｄ啦，所以諗住一陣自由時間揀下，茱麗葉屋企就係步行街直行到尾轉右，見到有舖頭賣圍裙就係喇,經過一條巷仔就見到茱麗葉銅像,領隊未入巷仔之前同我地介紹下,我地等團友入晒巷仔就影下相,巷仔入面好多情書,咁sweet既野我老公係唔會做既.....

跟住就排隊同茱麗葉銅像影相
影完又衝返出去原路影下相,睇太陽眼鏡,因為六點半要返拱門集合,我係LV隔離間眼鏡舖睇中左副Ray Ban太陽眼鏡,果隻款香港都未出粉紅色,EURO120幾都ok, 但係要EURO155先有得退稅, 我老公話個款麻麻地,我又唔想蝕稅,最後都係無買,唯有去LV行個圈
領隊成日話LV係巴黎買平d,叫我地唔駛係意大利買,我又想睇下去到巴黎係咪真係平d,所以入去睇下價錢,我想買Neverfull Damier MM, 維羅納LV賣EURO450,入面無乜人,任睇,不過我地無時間,check完就走喇,點知最後係老佛爺LV買左要EURO455羅,仲要一肚氣!!

行左個幾鐘又要走喇,向威尼斯出發!!
坐左個零鐘到威尼斯,食完中餐就返酒店,酒店離市中心半個鐘車程,同第一晚酒店比,呢間簡直係天堂呀!
呢間酒店叫做

Base Hotel To Stay,除左部迷你Lift之外,其他都好滿意~
起碼沖涼唔駛就住就住,d水又夠熱,又夠插頭,開到冷氣

歐洲11天團-Day 2(Part 1)

Day 2柏拉圖(意大利)-->名牌直銷中心(The Mall)(意大利)
第3天-->維羅納(意大利)-->威尼斯(意大利)

今日行程都幾鬆動,所以領隊尋日問我地會唔會自費去佛羅倫斯,我聽到真係好開心,雖然要25euro@仲要得2個鐘行,不過我想去Fienze好耐喇,問到梗係去啦~

今朝早餐有硬包一個,火腿&炒蛋,由於個牛角包係獨立包裝,我地帶上車留番瑞士餵天鵝,一早8點出發,半個鐘左右已經到佛羅倫斯,因為唔可以駛入城,所以我地要係外圍行入去,佛羅倫斯既街同樓都比羅馬整齊,行下行下見到一座建築物出面有人排隊,果陣先9點左右,返黎睇返地圖,我估係就藝術學院美術館(Accademia Gallery),影完張相又繼續行,去到聖母百花大教堂（Santa Maria del Fiore）又叫主教堂（Duomo）,

見到有餐廳賣Gelato又買杯黎食下,影完幾張相行下行下就到市政廣場(Signoria Square),

領隊教完我地點行出條河就解散,有半個鐘自由時間,我地快步行去河邊,經過烏菲茲美術館（The Uffizi）
, 9點幾己經有5,60人排緊隊喇

跟住就見到老橋(Ponte Vecchio）,嘩嘩嘩,好靚呀,影完又返廣場再影過,上面既雕塑就係《薩比納婦人被姦》(The Rape Of A Sabine Woman),咁啱有班小朋友係度寫生,
話咁快又要集合走人,向the mall進發!

歐洲11天團- Day 1(Part 2)

Day 1:香港->羅馬(意大利)->梵蒂岡->白露尼治奧古城->柏拉圖

去完梵蒂岡就向鬥獸場出發,途經威尼斯廣場(Piazza Venezia),一落車就向住君士坦丁凱旋門(Arco di Costantino)行過去,隔離已經係鬥獸場(Colosseo),影左幾張相發覺有2個意大利警察係度,戴黑超呢個勁勁靚仔,又高大,排幾個先同到佢影相架,相反隔離果個就俾人冷落左,得個印度遊客識欣賞佢....

同完靚仔影相就繼續向前行,領隊話鬥獸場無乜野睇,亦都無時間排,我地得半個鐘影相咋,我地行到去地鐵站果邊影左幾張相就番轉頭,行到番去原來已經遲到,全車爭我地2個...

跟住就去下一景點許願泉(Fontana di Trevi),勁多人,不過真係好靚,比想像中大少少

由於得20分鐘自由時間,我地搵人影左幾張合照就去左買Gelato食,領隊介紹左間話幫襯完可以去埋basement 既toilet,我地一人一杯,4EURO@,我揀左開心果味,tiramisu同朱古力,好好味呀

食完Gelato就去食lunch,第一餐食中餐,8人一枱都有六餸一湯,都幾好食,我都食左2碗飯,我地食完去toilet,就有另外一團黎到,佢地有成三,四十人架,好彩我地早過佢地,如果唔係都有排等...

咁就完成羅馬既行程,出發去白露尼治奧古城,因為要坐2個鐘車,所以會停一個休息站,落車第一件事梗係去左toilet先啦,去完就行下有乜野買,領隊話呢個休息站d咖啡幾好飲,我地就買左杯cappuccino飲下,係香港好少飲cappuccino,因為好重奶味,但呢杯咖啡味勁過奶味,同埋好香,1.2euro一杯illy coffee真係幾抵

去到白露尼治奧古城落雨,由停車場行一段路搭shuttle bus,得幾個位,要企,好彩5分鐘就到,落車見到呢座古城真係好正呀~
整座古城建於 2000 年前，位於山的頂端，只靠一條較窄的長橋連貫著，兩旁為山谷，從遠處觀望就好像一條橋
帶到一座天空中的城堡般，實在令人歎為觀止。而日本動畫大師製作一部極
為著名的動畫電映“天空之城”靈感就是來自此古城。

我地係橋度影影下相就停雨,個天開始藍,仲出埋太陽添呀,個景真係好靚呀~

山城上面有d舖頭賣野,不過我地都無行入去,掛住影相同欣賞下d風景,上面可以望到好遠~

影完相行番落去落車既地方,見到有間Gelato店開左,又入去買多杯,我又食開心果味,個staff仲教我讀開心果既意大利文,叫做"P他嘈",呢間雖然平D,不過無許願泉果間咁好食~
搭SHUTTLE落番停車場,又排隊去TOILET,因為又要坐2個鐘車返酒店,TOILET隔離有間手信店,全部都有山城個樣,想買張POSTCARD寄返香港,但佢得一張郵票,所以買唔到~

係車度訓下醒下就到左酒店,今晚既酒店係柏拉圖,叫做Hotel President,一開房門就覺得好陰沉

個浴屏位勁窄

放低完行李,老公就催人落去食飯,點知去到一個人都無....

注意左下角件雞,用叉係篤唔入架,要好大食吉落去先切到,不過d肉勁鞋,切左2件就無食喇,薯條就幾好,熱辣辣,不過有d咸,落車果陣見到間supermarket未閂,所以連甜品都唔食,想睇下有乜野賣,點知原來己經閂左,裏面有人清潔緊,唯有返去食杯麵....

歐洲11天團- Day 1(Part 1)

Day 1:香港->羅馬(意大利)->梵蒂岡->白露尼治奧古城->柏拉圖

我地搭國泰直航機,12:05am 飛羅馬,領隊Francis約左9:45pm機場集合, 我地放工,食完飯返屋企沖完涼,就搭巴士去機場, 報完到就自己排隊寄行李,寄完行李就10:20pm集合,我地一人一喼, 每人都差唔多20kg,因為裝左4支礦泉水
我就話死啦,買埋野咪overload?點知地勤話每人有25kg,咁都好d,可以放心買野
入到禁區都係11點幾,唯有坐係度睇新聞,點知坐左陣就有幾個男女攞住旅行麻雀係我地前面玩,嘈到前面果pair人都走埋,我地坐多陣,頂唔順都走左,真係唔明點解d人咁無品.....

我地坐窗口位,伸腳有d困難,仲要坐13個鐘,訓得好辛苦,唯有訓陣就睇下電影,食下零食,杯面,得閒就去下toilet

我地朝早7:30am左右落機,要坐接駁巴士去入境大堂,雖然排隊既人多,counter有3,4個,不過過關真係好快呀,個海關望一望我本passport,吸個印就走得喇,領隊話有時連印都唔吸架喎~

過完關就去攞行李,架行李車要1EURO,我地無租,等行李都等左半個鐘有多,8:30am先離開機場
一出機場,地下勁多煙頭,我地睇實個袋,因為睇女神的報酬有一幕就係係羅馬機場俾人打荷包,所以要小心d~
我地架旅遊巴都唔錯,不過我地唔醒目, 淨係坐2個位,其他團友都係一人霸2個位,搞到無位擺野,坐長途車真係幾辛苦....

第一站係梵蒂岡,見到個聖彼得廣場真係好開心,因為睇電視睇得多,不過排隊做security check既龍真係好長,好彩過 x光機都幾快,入到教堂真係嘩左出黎,樓底超高,好多雲石柱,真係好靚呀~
入口右手邊就係聖母哀子像,因為入教堂連廣場影相時間得1個鐘,我地都睇得幾趕下,

因為要趕住出去影相,連聖天使堡都無時間過去........唯有下次再黎啦!

曼谷探親5天遊-Day 5

最後一日係曼谷,雖然搭6點幾機,但約左阿姨佢地2點幾黎接我地去機場,所以係酒店食完早餐就check out同寄存行李,就行下Central World, MBK同Discovery Centre

我地沿天穚由Central World行去MBK買手信,因為上次買過同事話好食,點知去到發覺已經執左,行行下見到一間賣手信,啱啱先開舗,我地掃左一籃手信,我老公叫我問有冇折,我就用好耐無講既泰文問個後生仔有無折,好彩佢都俾個九折我地

買完又行下Discovery Centre,果間Boots比Central World果間多d 特價product,行得仲舒服d,又掃左一籃野,買左支lavender hand cream都幾好用,都唔駛Baht 100,可惜淨係買左一支,
再行Loft, 老公買左個有燈既相框,可以夾相,好似都係700幾Baht

買完野又行番Central World食lunch, 之前行過見到Siam Paragon間Fuji Restaurant幾多人等,諗住都幾好食,所以係Central World果間試下,環境真係唔錯,大部份都係磨沙玻璃卡位,每個lunch set 幾十蚊港紙左右,質素就普普通通,俾我再揀我會揀大戶屋或者勝博殿....

搭左一個鐘左右到機場,去到東方航空個check in counter真係嘩一聲,每條龍有十幾二十人排,佢都係開3個counter,仲要有一個係做group,我見咁多人排,就拉住個喼去海關counter吸個印先,好彩唔係好遠,不過都要排10個,最搞笑有個中東人推住部42"LCD電視去海關counter,真係唔知佢點寄倉....

吸完印又番去排隊check in , 排多半個鐘終於到我地,可惜我d親戚送左太多手信俾我地,搞到我地overload,要補900幾baht

入閘後又要過security check,我地3個人都俾人搜袋,我老公袋住支洗面膏竟然唔駛沒收,我同我媽咪支未用過既指甲挫就白白犧牲左....

過完security,又要排退稅counter,都係10個8個人排,但個個都搞好耐.....排完去左食burger king,又搭番黎果陣架全白色機,但今次坐機頭,改裝晒做經濟位,我地又坐窗口位,腳位好窄,成日頂到前面, 今次第一次食唔熱既飛機餐,好彩食左野打底.....