Final Fitting@Hsiao Wedding

上個禮拜去左Hsiao Wedding final fitting, 由於好鍾意件淺藍色晚裝,所以加多一套

不過連Toby都話我肥左,又話結婚前會瘦既!!??

(左)敬酒, (右)席前

(左)男友日頭look, (右)送客

 

 

(左)轉左呢套掛, (右)Toby極力推介我著既deep v露背晚裝,奈何肚位好貼,會破壞我既食野計劃,同埋著上身涼浸浸,就住就住唔係幾好

呢套新返,試黎玩下~

花車蝴蝶

原本諗住軒武包花車佈置唔駛搞花車蝴蝶,點知結婚前幾日同軒武confirm 路線,軒武先話唔包花車蝴蝶,叫我地帶公仔去金都買蝴蝶搵人扎上去,於是拿拿臨拎公仔去金都扎蝴蝶,好彩都唔算貴,車頭蝴蝶+4個車門蝴蝶都係$100,淨要車頭蝴蝶就$60,如果貴過$100,我寧願去德祥買紗網自己整喇~

簽名筆diy

見人地整簽名筆咁鬼易,自己又試下整,係網友度買左2卷絲帶,係花園街伯伯買左2小束玫瑰,羅雙面膠紙痴係筆身度,再由筆咀果邊用絲帶翹,用熱溶槍收口,再痴朵花係筆頂,最後打個蝴蝶結係花下面就ok喇,不過除左個蝴蝶結係我打之外,其他都係男友整,因為我翹極都翹唔實d絲帶,所以男友忍唔住出手,整得仲幾靚添,原來佢都有diy 天份呢~

 

SEATING PLAN DIY

仲有3日就係BIG DAY喇,終於搞掂SEATING PLAN喇!因為時間關係,黎唔切用photoshop整,惟有用word整啦,個樣都ok既~

終於收到要改既廣州姊妹裙!

上個星期五用公司間速遞寄番條裙上廣州, 寄完再打俾老闆娘, 通知佢已經寄左條裙,同埋提佢24號前我一定要收到條裙,尋日終於收到喇!不過要俾多hk30速遞費, 不過算啦,買過條都唔止70蚊啦~姊妹試完都啱身,真係感恩喇!

臨急臨忙訂兄弟呔....

星期日就係big day喇,今日先係淘寶網訂兄弟呔,點解咁"炆"??個幾2個月前已經問人駛唔駛幫兄弟買呔,有條友話兄弟自己搞掂喎,點知上個禮拜叫我訂,都唔知有無搞錯?!!好彩淘寶個vendor話2, 3日就到, 24號前到都ok既.....

價錢都係@RMB3, 計埋運費RMB49,都平過女人街既~

幫兄弟揀左呢隻紫色,ok卦

 

伴郎就銀色

Table card DIY

Table card揀左我最愛既鬆弛熊,有人一見到就話低能,我唔理得咁多架喇,我見過有人用mickey mouse啦,點解唔用得鬆弛熊呢?而且呢張wallpaper啱晒位,自己加d字就用得~
唔知到時d人見到有人comment呢?哈哈

Thank you card DIY

因為想印個網址俾人download相,所以整左2款Thank you card俾人係教堂同酒樓攞,上個禮拜四放工我地拎左去觀塘印館度印,第二日已經打黎話印好,真係超有效率哦!!

每款都係$38/300張,顏色好似深色左,不過唔係太大問題既~

左邊係A款,右邊係B款

A款背面

B款背面

大家覺得邊款靚D呢?

囍字印用途

係深圳買既囍字印終於有得用喇!我男友用黎打落帖既信封,我就打落餅卡,初時用盡力都未打到個字,後黎用腳踩就易好多,起碼唔會打都手痛,而且隻腳夠力D,打出黎既字都靚D,最搞笑有同事收到2張帖,2張都係美心餅咭,但係得我果張有印,梗係啦,我逐張踩架, 另外一個姊妹以為個封根本有個印,又要我介紹一番至得

女人街都有幾檔賣呢D印,我又問下價,阿姐話$38個,另外又問個花邊印,佢話$28個,我又轉頭走,佢就話$45/2個, 咁同我係深圳買都差唔多者, 有心買都可以落女人街問下~

首飾箱到手喇~

係淘寶訂首飾箱,2日後就送到我手喇!

計埋運費都係HK120左右,個箱PACK得好好,包左2層拍拍紙,到大日子果日就會裝滿金器同首飾,金器小姐就全日保管住佢喇

前幾日行過女人街見到有得賣呢個箱,口痕問幾錢,佢話$260,我"哦"左一聲後就轉身走,個老細話啱就計平D,我諗可以講到$200左右卦,不過我都唔諗住買所以無理佢~

 

結婚車頭公仔

前排去左金都買結婚公仔, $180一對,我見淘寶中式都係賣RMB88咋麻,但係得麵包超人同牛奶妹,無我近期最愛既鬆弛熊, 唯有係金都買啦,都平過女人街既,不過個樣好似leung leung地,等我搵日落深水埗睇下有乜可以幫佢地整靚d先

 

廣州婚紗裙後記

唉,其中一條姊妹裙應該係大碼,但係姊妹著上身先知係中碼,問左廣州果邊話可以寄番條裙俾佢,佢再寄番條俾我,咁都麻煩啦,最衰自己攞貨果陣靠老闆娘幫我check,自己睇下無穿無爛就算,依家要等姊妹試條大碼,睇下o 唔ok先寄番條裙上去,又要搞一輪喇~