整拉米娜油畫~

由於我地諗住攞masalili d相底放大整油畫,所以search下價錢,係星輝度整好似幾百蚊,又上淘寶度睇下,原來都有得整油畫,佢地叫做拉米娜,整20寸都係60幾蚊,24寸都係80幾蚊 ,仲有d叫水晶面,不過價錢就貴d,座枱拉米娜都係20幾蚊咋,最衰相底要10月頭先到手啦,如果唔係依家可以係淘寶訂......不過算啦,訂左應該14日內收到貨,但係送到黎公司點check貨好呢?即場撕開會唔會嚇親同事呢???

masalili完成對稿

第五校終於無野要執喇~d相9月24日搞掂,到時masalili會再通知寄出Fedex既資料,10月之前應該都收到喇卦...........

婚前檢查@聖雅各福群會

婚前檢查係聖雅各福群會度做,因為見其他新人既COMMENT都幾好,又有醫生講解報告,又驚家計會排好耐,之前打去問野D STAFF講解得好詳細,態度又好,我先知婚前檢查係唔駛空腹抽血架!

上個禮拜六約左下晝2點半做婚前檢查,咁啱又有婚紗展免費飛,所以去完婚紗展先去做檢查,我諗今次係我最後一次去婚紗展,行左一個鐘左右,俾人問左20幾次影左婚紗相未,答佢影左又問租左衫未,想停低睇下野都唔得,最大收穫係見到agnes b既booth, 有幾款花球有8折,相簿既花球有9折,佢地show左幾個8折既花球出黎,又真係幾靚噃,不過鮮花好易殘,所以都係放棄左....

跟住去左舊灣仔街市對面間餃子源食水餃,我食左碗西洋菜水餃麵,咬落去真係有汁係入面,唔怪得蔡瀾都試過啦~

食飽就行上藍屋對上既聖雅各福群會8樓做body check,total :HK1580/對+HK50@會員費,等左陣,姑娘帶我地入房度高, 磅重,量血壓,男友血壓高過正常,姑娘話佢可能緊張得滯, 跟住姑娘幫男友抽血,我睇到都有D驚,因為我抽親血都頭暈............

姑娘幫我量血壓,佢話我既血壓啱啱到MINIMUM咋,佢知我抽親血都頭暈,抽完之後叫我訓多陣,唔好起身住,又問我有冇頭暈,係咁同我地傾偈,跟住叫我坐起身,再幫我量血壓, 我既血壓又低十度, 姑娘話我血壓偏低所以易頭暈, 跟住飲杯熱水先企起身,今次真係無頭暈喎!

下個月有得攞報告,希望大家都健健康康啦!

訂造傢俬-收貨篇

上個禮拜美亞終於送傢俬黎,係confirm圖之後既4個禮拜,差唔多2點到,有3個師傅黎裝,足足裝左2個鐘,師傅走左之後,我地再check下d傢俬,崩花10處左右啦,另外,發覺有d位同我地confirm既唔同左,但係無人通知我地話要改野,有d位又整得唔啱~

1.又話整唔到既油壓較,離奇出現~

 

2. 床尾個燈箱有條罅,唔通留位俾我地過電視條線?但燈箱無窿架喎~

 

3. a)櫃頂燈槽支光管係橫樑下面,設計師無睇度尺師傅d尺寸卦,呢d位唔駛我地check卦??

b)櫃桶位做高左,搞到同左面櫃門唔對稱

 

總括黎講,除左設計師勁唔掂之外,其他野ok啦,不過我下次寧願幫襯街坊傢俬舖,起碼無咁貴,畫圖都細心d啦

masalili對稿篇

第一校係揀相之後20日收到,勁期待,不過d相好似無執過咁,要逐張放大200%先check到有乜野要執,例如,眼袋,帶扣,鬚根,墨,褲,裙摺紋, 依家啱啱覆第四校,應該都無野執喇卦,自己又衰既,同一張相,第一校mark左要執一樣,第二校又mark要執第二樣,無辦法啦,對完第一校,會重新睇多次,又會發現其他野要執,校對既相又唔係大size,放大左又會朦,所以會睇漏,希望快d對好啦

姊妹裙UPDATE

之前諗過係淘寶買現成裙當姊妹裙,前2日去左CHIC之堡有間賣淘寶見過D裙,我覺得質地太薄,條裙太短,都要放棄架喇,依家諗住去廣州買現成姊妹裙返黎,因為之前有個同事買左5條返黎,款式同質地都幾好,都係RMB100條,不過各位姊妹連顏色都未決定,都係遲D搞個姊妹MEETING先CONFIRM到喇............

新天地揀相篇

因為男友唔得閒,所以我約埋伴娘去揀相,去到有個黑衫黑褲,長曲髮既STAFF叫我去坐係玻璃枱,跟住就攞一叠相逐相攤係枱面俾我地揀

第一輪係婚紗合照,A小姐(因為佢簽名係個A字) 叫我地唔鍾意果D番轉佢,呢一輪影得唔錯,但係好多係大頭相,好似千秋果張咁,個背景影到得塊小小綠色草皮,另外一張係電單車後面個露台,果張個背景就係露台幅牆,連個頂都無影到,最滿意果張係葡式茶座, 我男友有好多張都笑得好求其,一係就無表情,但攝影師都冇出聲,搞到我好多都揀唔落手~

第二輪係晚裝合照,呢輪揀得快好多,因為唔鍾意內景,pose古怪,俾我揀剩2張

第三輪係男友單人照,佢話唔要,所以一張都無揀

第四輪係我既單人照,都係一張都無揀

最後hold左14張,再out 2張 total 12張,即係一張都無加

我打俾男友問佢意見揀邊張做大相,揀完邊張係大相後,A小姐話HK816可以買番12張相底,我又打俾男友問佢買唔買好,男友就問我會唔會放大D相,我話唔會,最多係電腦睇番,咁男友咪話唔買都得啦,SCAN D相都OK

講緊電話既時候,A小姐就係度"哦"伴娘,話:"我都估到男人無黎係咁架喇,加幾張相駛唔駛專登打去問呀?唔通買件衫都要問過佢咩?"

我心諗,我做乜野關你乜事呢?我打俾我男友問意見係因為我男友理智D,佢唔會唔俾我加,佢會幫我諗下應唔應該加者

A小姐又話佢地D景好特別,出面無乜地方有喎,我又唔覺喎,我地台灣影果相靚好多啦,又話佢D客初頭唔加相,過一排又想加番都無得加喎,又叫我買番大相既相底(@$168), 佢話佢D客試過無買相底,後尾D相唔見左,喊住打黎話想買番,都無得賣俾佢喎,我話唔駛,佢又黑面, 又話唔SALE我加$1300整油畫底板+框, 淨係叫我加$480做油畫底板,話出面做得無咁靚喎,我又唔信喇,所以都無加, A小姐黑住面話好呀, 最後A小姐叫我加$200整細相簿放散相,我話唔駛喇,A小姐黑面離枱攞單~

A小姐話大相要等4個月先有,散相要3個月先有,咁即係4個月後先送得相,即係11月尾先有,佢仲要寫左句係單度,話我男友冇黎揀相,由我全權負責揀,無得事後再睇相同揀相喎,勁多餘羅,我無咁得閒再黎過,我男友更加唔至在睇啦

對新天地既印象俾A小姐破壞晒,我見其他枱D SALE都好NICE唔會好似佢咁黑面羅~

最後成功1蚊都冇加,事後打俾男友~

我:揀完相喇,1蚊都冇加

男友:咁佢有冇黑面呀?

我:梗係有啦,哈哈

 

新天地影相篇

約左1點影相, 去到新天地俾完單counter,收我地hk100 locker按金,擺低男友件恤衫俾佢地燙,同埋約揀相時間,最快係4日後,不過係朝早11點半,如果要6點後揀相最快要1個月後,仲要去荔枝角揀相,所以決定4日後揀相啦,唉,為左影相夾夾埋埋請左2日假.....係梳化坐左陣,又有另一pair人黎,再等左陣,有人帶我地去對面間房等化粧,已經有一pair人化完粧等影相,坐左陣,有個staff帶我入房化粧,入面又有3個新娘化緊,試完之前冇試到既衫後,就換番婚紗坐低化粧,幫我化粧既叫Joey,佢問我想點整, 要乜野色既eye shodow, 我話要扎起個頭,佢就幫我整辮仔再梳扎起佢,Joey幫我搽藍色眼影,我覺得個粧好自然,化完好似靚左,包包面瘦左

化完粧出番去,男友已經化好粧換好衫,佢話坐係度等左成個鐘,無辦法啦,化化下,Joey要幫另外一個新娘轉粧,都等左幾耐下,佢地幫我地影張合照,同埋俾左張form我地填想影乜野景,跟住助手阿庭就帶我地出去,我地個攝影師叫match,佢幫我地影左幾張testing,就開始影花園千秋景,葡式露台景,教堂景,花店景,老爺車景,露台景,木馬景,宮廷內景,次次都叫我地心口對心口+側面+下巴低,做錯pose攝影師有d唔滿意羅,最唔鍾意個pose係叫我地一人伸隻手出黎攤開,勁leung....影影下就有人幫我地噴蚊怕水,影完呢輪就換晚裝,Joey又問我想點整,我話無所謂,佢幫我加左頂藍色既帽,我好鍾意,換緊粧聽到其他新娘話要整謝安琪唔知邊個function個頭,條辮又要點整點整,真係好有主見同well prepared,我就乜都冇所謂,因為對呢輯冇乜期望,同埋信Joey佢地既眼光~

換完晚裝後,就影內景,影左酒吧景,冰天雪地景,LOVE景,枯枝景,楓葉景,床景,水池景,公園景,騎呢位係冰天雪地景要加件毛毛披,同埋酒吧景拎住隻杯影.....影影下聽到之前同我地差唔多時間到果pair人同攝影師傾得好開心,嘻嘻哈哈,乜真係咁好傾咩?

影完入番去缷粧其他couple都走晒,剩番我地同頭先個pair 人,缷完粧,洗完面,還番條鎖匙,攞番按金就走得,走個陣已經6點幾,我地餓到係新天地部汽水機買汽水頂住先,拿拿聲出返去食野~

so far對新天地既印象都幾好,冇upgrade都冇黑面,service都唔錯~

 

新天地試衫篇

影相之前一個禮拜去新天地試衫,約左2點鐘,入到去俾左幾本相簿揀衫,鍾意就mark低no.係張form度,陣間俾我試,婚紗好快就揀到,試左4套,揀左件裙腳有白色通花,晚裝就難揀左d,好金都feel,想揀藍色晚裝,因為之前係台灣影相冇揀到,幫我試衫既係Apple,都幾nice,試完件件衫都有俾d意見,我mark左件藍色晚裝有人著緊,所以佢話留番我影相果日再試,另外再hold件藍色晚裝,影相果日先決定,最尾都係影相果日先試既藍色,裙身有一個個花既晚裝

揀完衫,Apple再問我地會唔會upgrade,佢話揀完衫之後就冇得upgrade,我地都係唔upgrade,Apple都冇黑面,提番我地帶girdle,眼睫毛,乾濕粉撲,白恤衫,同埋男人化粧要俾HK90,跟住就走得~

新天地影相準備篇

因為酒樓送左張新天地$3988既婚紗相coupon,我地諗住影多輯玩下,所以book左7月尾係九龍塘影,book果陣,個staff都係問下我地up唔upgrade多2千幾蚊個plan,我地都話唔upgrade,佢都冇黑面,我地準備左以下既野影相用:

女:

1.girdle x 1

2.打底褲 x 1

3. gi & gary眼睫毛 x 1

4.乾粉撲(手掌咁大) x 1

5.濕粉撲(手掌咁大) x 1

6.婚紗鞋 x 1

7.花球 & 襟花 x 1

8.洗面奶

9.開胸衫(著去)

 

男:

1.白恤衫 x 1

2.白底衫 x 1

3.黑皮鞋 x 1

4.乾粉撲(手掌咁大) x 1

5.濕粉撲(手掌咁大) x 1

6.洗面奶

 

 

masalili day 6

今朝十一點幾check out,寄存d行李就搭的士去tiger city食lunch,

附近有間幾靚既motel

 

係tiger city食完mos burger就返酒店攞行李,1點搭的士去機場,由於司機趕住入機場接人,所以一定冇兜我地路,半個鐘就到,車費NT350,去到機場counter check in,再去隔離counter寄行李,搞掂晒都係1點半,但我地班機係2:40pm起飛,hea左陣就上出境果層等,間duty free仲裝修緊,俾我地見到有2部pc放係度俾人上網,我地就上網睇下野,點知班機又遲左黎,我地上左網成一個鐘,等到3點幾先可以上機

 

 

 

竟然會經過大欖涌水塘~

 

~6日5夜masalili之旅完滿結束~

masalili day 5之台中一日遊

係黎客食完早餐,黎客大門口轉左,FAMILY MART轉角直行就係逢甲路,過馬路等68號巴士去東海大學,係台中榮總站下車，經隧道去東海大學校門,點解要黎呢度?咪因為佢羅-路思義教堂

因為之前見過有人係度影婚紗相,但masalili話黎唔到,所以自己黎羅

 

著名華裔美國建築師貝聿銘先生設計真係唔同d,可惜果日入唔到去啦!

 

教堂前面既小鐘鏤~

 

 

 

懷舊郵局~

 

學生宿舍好有日本feel~

 

行完出番大門口轉右搭巴士去精明一街,83號 or 88號都ok,頂何厝落車,上左88號巴士,上車司機派卡,落車再嘟,然後俾錢,搭下搭下見下個站係何厝站,諗住應該到,所以禁鐘,點知司機大嗌問係咪要落車,我走去司機位問精明一街係咪呢度落,佢話唔係,到再叫我地,再過搭多陣,我地見到下一站係頂何厝就跟住d人落車,司機又提我地落車,仲叫我地直行十字路口轉右就係精明一街,我地睇地圖行一陣就到~

 

 

黎精明一街梗係要試春水堂啦~

 

 

食完去隔離既nike shop睇下,發覺價錢係香港既8折,如果唔係有staff discount card,我諗都會買對番黎,不過除左春水堂同隔離間nike shop外,精明一街都冇乜野睇,行番出精誠路,竟然見到康是美~yeah!可以買番d美麗日記喇,呢間康是美2層高,得我地2個客,行得好舒服,買完問staff點搭車去美術館,佢地叫我地行番去中港路,即係之前落車果度搭,我地等79號巴士,問司機去唔去美術館,佢話唔經,咁我問五權西路呢,佢話會經過,叫我地係土庫停車場落車,上左車發覺架巴士係康是美行出一條街有站,早知唔駛行番轉頭啦~

落車向十字路口轉左直行十分鐘就見到美術館喇~

 

 

不過唔記得係星期一休息,所以冇得入去行~

 

跟住就去美術舘前面既美術園道商圈 行,成條街都係裝修得好特別既餐廳

 

仲有幾pair人黎呢度影婚紗相添~

 

原本諗住係日出大地買cheese cake同太陽餅,點知試完唔係幾啱,空手而回~

 

跟住搭的士去一中街,去左間種子花草食野,個忌廉湯好重奶味,飲左一半已經冇飲,個青醬蜆肉意大利粉就幾食,送既洛神花茶飲左2啖冇飲,

食完又去買繼光香香雞,又去太平路睇波鞋,睇完搭的士去台中火車站影相同買手信

 

 

試完九個太陽同魏明師之後,都唔啱口味,犁記又冇得試食,已經冇心機再試,又醒唔起間太陽堂餅店,跟住一盒餅都冇買就搭的士走喇~

返到酒店抖下,準備聽日返香港

龍鳯被

上個禮拜五行過始創,經過casablanca勁多人,原來係開倉減價,560針折左仲有9折,之前見過有套紫色既好靚,又唔想買紅色既龍鳯被,所以揀左呢套當龍鳯被,食完飯再過去買,8點半得我地2個客,紫色套床單連枕袋$419再有9折,配埋被套好似$5XX,

 

 

sale姐姐推介幾款530針既床單,枕袋同被袋,一套都係$330,所以買左呢款替換

 

買滿$300仲可以加$59換珍珠枕同加$199換玉米被,買滿500蚊俾cash仲有2%回贈,買咁多野都係$14XX,好抵呀!

 

masalili day 4

第四日係揀相日,一早落黎客地下食早餐,因為一點先揀相,所以我地朝早去台中公園先

好味既法式多士~

 

因為台中公園距離黎客都幾遠下,記得尋晚架35號巴士都會經過台中公園,所以我地去黎客後面條西屯路搭巴士,等左一陣見到有架25號巴士,寫住台中公園,拿拿聲截住佢,問司機經唔經台中公園,佢話經我地就上車喇,司機一人俾一張卡,上車嘟一次,落嘟一次黎睇下要俾幾錢

 

司機係個阿叔,不過卦幅相係後生仔....

 

坐坐下竟然經過masalili,係對面公園仔落車,如果唔趕時間搭巴士可以平好多車費

坐多陣就見到個站係台中圖書館,即係公園附近我地就落車,前面個草地已經係台中公園既後面,

 

招牌涼亭~

 

行完公園都係11點幾,所以諗住去市府路既仁義牛肉麵大王食lunch,烈日當空之下行左10幾分鐘,行到去搵唔到間舖,附近都落晒閘,所以係附近食lunch就搭的士去masalili,返到黎先知市府路俾政府收地,仁義牛肉麵大王搬左去民權路,唉,唔怪得之搵唔到啦....

1點左右去到masalili,佢地帶我上一層揀相,已經有2枱客揀緊,vivi教我地點揀相之後就走左喇,Roger幫我地影左2百幾張相,第一眼見到我地既婚紗相既反應係勁笑,自己化行裝果樣睇返都幾好笑

我地首先睇一次d相,第二次就開始揀,我地首先delete我地唔鍾意既相,跟住會揀2張差唔多既相compare,唔要是但一張,第二輪之後仲有百幾張相,第三輪再揀d差少少既delete,但係都仲有一百張,第四輪我男友就搶左個mouse,逐張講點解唔好,跟住我話"又係喎" delete, delete下 最尾淨返68張,比之前落訂多左2張,我地抄好邊張放邊本相簿,同要邊6張底片,跟住叫番vivi上黎幫我地寫單:

 

童話城堡『15吋專屬20組』純攝影 +彩縭花房『15吋專屬20組』純攝影
=27,800+(26,800*0.95)=53,260

1.運送至__港澳__之運費NT.$3000*2=NT.$6000
2.指定攝影師：Roger(指定費用NT.$3000)
3.upgrade 複合本NT3000*2-上車獎-NT.3600=NT2400

4.加頭20張相:NT760*0.8*20=NT12160

5.加第21張起:NT950*0.8*2=NT1520

再加贈：※【六組底片檔案】

TOTAL:NT78340

 

P.S.返到黎見到其他JM話第二個PACKAGE係8折,CHECK番先知原本我地係9月影,後尾改做7月,所以應該係第二個PACKAGE 85折,所以托上托係台灣既朋友入番幾百蚊台幣就可以加多4張落相簿

 

俾埋尾數4點半走人,vivi仲話海外客黎講,我地揀得算快喇~

 

 

原本諗住係masalili附近行下,但係要拎番之前擺低既行李,所以係mos burger隔離等25號巴士,等左陣都冇車就向前行去十字路口右手邊等35號巴士,等左陣就有車喇~架巴士好似豪華旅遊巴咁,坐得好舒服

 

 

返到黎客放低行李就去返黎客後面,Oliver介紹既Mr. 38食野,估唔到6點幾已經要等位

 

 

好味既咖哩芝士豬扒~

 

 

食完勁飽,係逢甲行陣就返黎客抖抖~聽日台中一日遊!